لو عندك استفسار تواصل معنا 01066968707, 01008370149

أحد أجمد وأقوي لابات ٢٠٢٢ Gigabyte Aero 16!

ديزاينر و بتدور على لابتوب يسد معاك شغلك التقيل وشاشة ألوانها مظبوطه بالمسطرة ؟
تعالى معايا عشان اقولك على أحد أجمد وأقوي لابات ٢٠٢٢

اللابتوب اللي معانا النهاردة هو لابتوب
Gigabyte Aero 16
واحد من أشيك اللابات اللي أول ما تشوفها عينك تنبهر كده بداية من الجسم الألومنيوم الكامل اللي بيدي لمسه بريميوم للجهاز، وكمان بيدي متانه وقوه للشاسيه لأن جسم الابتوب معمول من قطعه واحده من ألومنيوم بتكنولوجيا الcnc

نسيب بقى خامات التصنيع الممتازه و نخش على الشاشة اللي متقلش إبهار عن التصميم

الشاشة هنا كلمة ممتازه حقيقي متوفيش حقها لأنها بتيجي بتقنيه الAMOLED من شركه سامسونج اللي بتقدم درجه تباين رهيبه لأن الأسود فيها أسود فعلاً بحجم ١٦ بوصه ومش FHD ولا حتى QHD لا دي 4K بأبعاد ١٦:١٠ حرفيا هتدلع عينيك.
لأنها بتيجي ب ١٠٠٪ DCI-P3 (مش قولتلك بالمسطره) لأ وكمان بتيجي بشهاده الHDR 500 وبتقل لحد ٠.٠٠٠٥ nits فتقدر تستخدم الجهاز بليل من غير ما تجهد عينيك وكمان بتيجي بحواف رفيعه بسمك ٣ مللي و تمت معايرتها من X-Rite و Pantone و ده اللي بيخليها تاخد E < 1

ارقام رهيبه الصراحه

📌 نروح للمواصفات بقى..
الجهاز بيجي بمعالج انتل كور i7-12700H اللي بيجي ب١٤ نواه واللي أداءه ممتاز جداً في برامج الرندر والألعاب مع كارت شاشه RTX 3070 TI بحجم ٨ جيجا و استهلاك طاقه يوصل ل١٠٥ وات بايت مع رامات ١٦ جيجا رام من النوع DDR5 بسرعه ٤٨٠٠ واللي تقدر تزودها لحد ٦٤ جيجا

اما بالنسبه للمنافذ فبيجي بمنفذين Thunderbolt 4 بيدعموا الDP و واحد فيهم بيدعم الشحن ومنفذ تايب سي بسرعه USB 3.2 Gen 2 ومنفذ للصوت من النوع ٣.٥ مللي

و بيجي ملحق مع الجهاز USB hub اللي بيزودلك المنافذ بمدخل USB من النوع الكامل مع منفذ DP و HDMI وكمان منفذ RJ 45 عشان تقدر توصله بالإنترنت من خلال سلك
الجهاز بيجي بكيبورد مضيئه مضيئه باللون الابيض و بطاريه ٩٩ وات فهتقدر تاخد شغل من الجهاز لاطول فتره ممكنه

جهاز بالعظمة دي يستاهل تشتريه ولا لا؟

شاهد أيضا:

اترك تعليقاً