لو عندك استفسار تواصل معنا 01066968707, 01008370149

الشاشة عامل مهم جدا في أي جهاز.. إزاي تختارها؟

الشاشة

إزاي تختار شاشتك ؟!

كتير مننا مش بيهتم بالشاشة أو معندهوش المعلومات الكافية اللي تخليه يحكم على الشاشة الخاصة باللابتوب إذا كانت كويسة ولا لأ …. وعشان كده هنتكلم انهارده عن اهم المفاهيم او المصطلحات اللي لازم تعرفها عن الشاشة.

في الاول بس محتاج أوضحلك حاجة مهمة وهي ان الشاشة عبارة عن مربعات صغيره جدا جنب بعض يطلق على كل مربع منهم بيكسل Pixel
كل مربع من المربعات دي بيقدر يظهر كم ضخم جدا من الالوان.. و عن طريق تلوين البيكسل اللي في الشاشة دي كلها بتظهر قدامك الصورة..

المربعات دي كل ما كان عددها أكبر كل ما الشاشة بتكون أوضح أكتر, وعشان تقدر تقيس مدى دقة الشاشة دي لازم تعرف عدد البيكسلات اللي فيها.. ودا بنعرفه من خلال عدد البيكسل اللي موجودة بالطول وعدد البيكسل اللي موجودة بالعرض.. العددين دول بنطلق عليهم Resolution او الدقة. ودي معلومة لازم تكون عارفها عن أي شاشة.

1- Resolution

ودى فيه منها اختيارات كتير ولكن في غالبيه اللابات بتكون 1366*768 و بيتقال عليها جودةHD
أما الدقة اللي بعدها بتكون 1920*1080 بيتقال عليها FULL HD و دى اكتره دقه هتلاقيها منتشرة و موجوده في مصر هنا.. ف الأفضل أنك تختار الدقة الأعلى عموما
وفي جودات اعلي من كده كمان وهيا 2K وكمان 4K ولكن دول بيكونوا في الفئات العالية وبتكون أسعار الاجهزة فيها عالية جدا.

2- مقاس الشاشة

في مقاس 13.3 بوصة وده أصغر حجم من الأجهزة .. وده غالبا بيكون للتصفح وبرامج الـ Office
ومقاس 15.6 بوصة وده اكتر الاحجام شهرة وانتشار بين الأجهزة لأنه انسبهم من ناحية الوزن والاستخدام ومقبول جدا لان اللاب بيكون مش كبير
أخيرا مقاس 17.3 بوصة وده انتشاره محدود شوية لأنه في الغالب ييكون للجيمرز او صانعي المحتوي … ولو بتتنقل كتير باللاب، الحجم ده مش هيكون مناسب ليك لان حجم اللاب كبير ووزنه تقيل.

3- نوع التكنولوجيا اللي مبنيه عليها الشاشة

وده أهم عامل علي الاطلاق والتكنولوجيا ديه بتكون :

– IPS

ودى شاشات بتكون ممتازة جدا في درجات الألوان و زوايا الرؤية والسطوع.
بسبب مميزات ال IPS فى زوايا الرؤية ودقة الألوان غالبا بتكون مناسبة للمصممين وصناع المحتوي.

ولكن الشاشة دي فيها مشكلة اسمها screen bleeding ودي بإختصار أنك لو عارض صوره سوداء تماما على الشاشة هتلاحظ ان فيها اجزاء عادة بتكون موجودة على الجوانب لونها افتح شويه من باقي الشاشة.. المشكلة دي موجوده في كل شاشات ال IPS ونسبتها بتكون قليله مش بتلاحظها مع الاستخدام ..

– النوع التانى من الشاشات يطلق عليه TN

التقنية دي بقى مميزاتها الأساسية انها بتقدر تعرض فريمات اكتر و استجابتها بتكون اسرع من ال IPS….. اما عيوبها فتتلخص فى ان الألوان بتاعتها مش بنفس دقة ال IPS وكمان زوايا الرؤية بتاعتها مش بتكون كبيره.
النوع ده من الشاشات بيكون موجود اكتر في لابات الجيمينج.

4- نوع الـ Screen

وديه ممكن تكون Glosy يعني شاشة لامعة.. وديه بتكون عاملة زي المرايا وبتعكس الضوء.. وبالتالي الشاشة دية مش مناسبة في ظروف الإضاءة العالية.
والنوع التاني هو Anti-glare النوع ده مفهوش لمعة ومش بيعكس الضوء ويكون أفضل في الاستخدام في الاضاءة القوية زي الشمس لانة مش بيعكس الاضاءة على العين.

لو استفدت من المقال شيره وشجعنا.

شاهد أيضا:

اترك تعليقاً