ماوسات جيمنج جديدة من شركة LOGITECH

شركة #logitechG عملاقه صناعه اكسسوارات الجيمينج تطلق ٣ نسخ جديده من الماوس الأكثر شهره بين اللاعبين G502 تحت مسمى “G502 X” و “G502 x lightspeed” و “G502 x plus”
فتعالو سوا نعرف ايه الجديد و هل تحدث ولا لا؟

📌 نبدأ بالنسخه الأقل سعر ألا وهي نسخه G502 X و بيجي بسعر 80 دولار

الماوس بيجي بلغة التصميم الجديدة من لوجيتيك و متوفر منه نسختين بالأبيض و الأسود و بيجي بمستشعر Hero 25K اللي يعتبر نسخه محسنه من الpixart PWM3366 الموفر جدا جدا جدا للطاقه وبيدى أداء ممتاز مع الحركه السريعة وفي نفس الوقت بيقدم دقه في الحركة.

بتيجي النسخه دي بوزن ٨٩ جم واللي يعتبر فرق كبير جداً عن الإصدار القديم و في نفس الوقت كل مميزاته و كمان الشركه غيرت نوع الFeet الخاصة بالماوس من النوع PTFE واللي بتقلل من الإحتكاك لحركه أسلس وأسهل عشان تكسب ال ١ vs ١

و الميزه الأهم من رأيي هي السويتشات الجديدة من لوجيتيك
أخيرا لوجيتيك بدأت تستخدم السويتشات من النوع الoptical تحت مسمى lightforce switches واللي بتعطي إستجابه أسرع و كمان عمر افتراضي أطول وفي نفس الوقت احساس السويتشات الميكانيكال

📌 تاني ماوس من حيث السعر و هو G502 x lightspeed و بيجي بسعر ١٤٠ دولار

و ده يعتبر نفس النسخه الwired مع اختلاف انه بدون سلك عشان حرية الحركة و بوزن ١٠٠ جرام (لسه تقيل من رأيي) و عمر بطاريه ١٤٠ ساعه اللي شايف انه كويس جدا خاصه ان الماوس بيتشحن مش بطاريات

📌نروح للنسخه الاغلى و هي نسخه ال G502 x plus بسعر ١٦٠ دولار

و الماوس زي ال G502 x lightspeed و لكن الاختلاف الوحيد هو الRGB بتاع الماوس

واللي شايف انه من رأيي ميبررش خالص فرق ال٢٠ دولار في السعر و بالسعر ده في ماوسات افضل بتقدم قيمه احسن زي الrazer basalisk v3 pro بيقدم قيمه أفضل وسعر أقل إلا لو انت محتاج فرق ال١٠ جرام بين الماوسين

✅ رأيي النهائي عن التحديث بقى..
لو معاك ال502 حدث لل 502 X او ال502 x lightspeed
اما لو معاك ال 502 lightspeed فمش محتاج تحدث
بس كده

قولنا ايه رأيك في النسخ الجديدة و هل شايف إنها بتقدم تحديثات مهمه؟