لو عندك استفسار تواصل معنا 01066968707, 01008370149

فئات البروسيسور (اختصاراتها واستخداماتها).. وإيه الأفضل؟

فئات البروسيسور

هيا الحروف دي U, M, HQ, H, MQ, HK .. اختصار لإيه ؟

ببساطه دي بتعبر عن فئات البروسيسور واللي اتكلمنا عنه ف البوست دا: البروسيسور مخ الجهاز.. يعني إيه؟

ف البوست دا هنوضح التعبير الأنسب لكل حرف عشان لما تختار تبقي فاهم بس نصيحه اقري الأجزاء الفاتت قبل ما تكمل! 

في الأول لازم نوضح كام نقطه كدا:

1- عاوزك تعرف ان الحروف دي مش لازم تكون موجودة في كل سلاسل Intel هي هي.. يعنى فيه حروف موجودة في سلسلة ال i5 ومش موجودة في ال i7 لأن الموضوع يختلف شوية من جيل لتاني.

2- عدم وجود بعض فئات المعالجات اللى بيتم التعبير عنها بالحروف في بعض الأجيال او اختفائها مع الأجيال الجديدة ده مش معناه ان Intel قررت توقف الفئة دي.. الفكرة انها بتغير تسمية الفئة بتاعتها ليس الا وبالتالي تغيير الحرف اللى بيعبر عنها ولكن مازال المفهوم او دلالة الحرف واحد.

مثال بسيط لتوضيح النقطة رقم”2″

بداية من الجيل التاني ولحد الجيل الرابع من معالجات انتل كان فيه فئة اسمها M زي مثلا i5 2520m و i5 3320m
فكرة الفئة دي انها كانت بتردد قليل عشان توفر في الطاقة لأنها في الأساس موجهة لأجهزة اللابتوب.

قامت شركة Intel بداية من الجيل الخامس تقريبا بإلغاء الفئة دي و مبقاش فيه معالجات اخرها حرف ال M بس ظهرت معالجات جديده اخرها حرف ال U اللى جاي بنفس مفهوم فئة M.

فلو لاحظت هنا ان فكرة فئة M و U واحده ولكن التسميه تغيرت
قيس على ده حاجات كتير تانى.. زي فئة HQ اللي تحول اسمها في الجيل الثامن إلي حرف الــ H.

وغالبا الفكرة من تغيير الحروف من جيل لأخر ما هي الا فكرة تسويقية.

تعالوا بقي للحروف اللي بتعبر عن فئات البروسيسور..

معناها ايه وايه طبيعة الاستخدام الموجهة ليه؟

– حرف ال M ده اختصار لـ Mobile ومعناه ان البروسيسور ده موجه لأجهزة اللابتوب “بتوفر في الطاقة”

– أما U ده اختصار لـ Ultra-low power ومعناه ان البروسيسور موفر للطاقة و بيكون في أجهزة اللابتوب و اداءه متواضع جدا “وضحنا ان U هي M”.

– بالنسبة ل MQ و دي اختصار ل Mobile Quadcore و معناها ان المعالج رباعي النواة لأجهزة اللابتوب والأجهزة المحمولة زي اللوحيات.

– الـ HQ اختصار لـ High performance graphics, quad core و دي معالجات بتكون رباعية الأنويه و موجهه اكتر لأجهزة اللابتوب العالية او المخصصة للألعاب و الحاجات الثقيلة زي برامج الريندر والمونتاج.

– الـ HK دي اختصار لـ High performance graphics, unlocked و دي معناها ان البروسيسور اداءه عالي ومناسب للألعاب و كمان تقدر تكسر سرعته عشان تأخذ منه اداء افضل.

– ال H ومقصود بيها High performance graphics ودى زي ال HQ بس بدل ما هو رباعي الأنويه بقى سداسي او ثماني. وتم ازالة حرف ال Q اللي كان اختصار لكلمة Quad اللي بتعبر عن “رباعي” وخلوا حرف الـ H هو الأشمل والأعم.

ملاحظة: اختصار Unlocked الموجود بفئة HK معناه ان البروسيسور قابل لكسر السرعة. وضوع كسر السرعة هنخصص ليه بوست لوحده. لان الموضوع مليان مميزات وعيوب وكلام كتير يطول شرحه هنا.

باختصار لو انت محتاج اللابتوب عشان الـ hardwork والجيمينج ركز ان فئة البروسيسور متكونش U عشان موفر للطاقه وأداؤه متواضع.

شاهد أيضا:

اترك تعليقاً