بمناسبة Chat GPT اللي بقا شغال في مصر, تعالوا نعرف بيعمل ايه ونستفيد منه ازاي؟
الفتره الاخيره بدأ ينتشر مصطلح Chat GPT ودا عباره عن موديل ذكاء اصطناعي من نوع transformer طورته شركة OpenAI وده موديل بيقدر يفهم النص اللي انت بتكتبهوله كأنه انسان, وبيرد بناءاً على النص اللي انت كتبته فلو مثلا سألته “عايز أتعلم لغه برمجه جديدة, ايه الخطوات؟” هتلاقيه بيرد عليك بمجموعة خطوات تخليك تبدأ في مجال البرمجه بطريقه صح. 
طيب ازاي نستخدمه ف شغلنا ونستفيد منه؟
– مبدأياً Chat GPT كل معلوماته لحد سنه 2021 يعني لو سألته أي سؤال معتمد على معلومات بعد 2021 (وليكن معلومات عن الايفون 14 برو) فغالبا هتكون اجابته مش دقيقه فخلي بالك من النقطه دي. 
– في طريقه عشان نحل المشكلة اللي فاتت وهي اننا نستخدم extensions بتخلي الموديل يقدر يتوصل على الانترنت و وبالتالي لو سألته عن معلومات عن الايفون 14 هيقدر يوصل للانترنت ويجيب المعلومات منه. 
– شات جي بي تي ممكن تستخدمه لإجابة أسئلة انترفيو مثلا وحتى كتابة قصص او يساعدك في مشاكل في حياتك. 
– لما تستخدم شات جي بي تي، ممكن تحدد عدد الكلمات اللي عاوزها في الرد فلو بتسأله عن ايه افضل أجابه لسؤال “هتقدر تضيف ايه لشركتنا” فممكن تخليه يردلك في 100 كله او اي عدد بقى
– كمان لازم تكون واضح في طلبك وتستخدم كلمات مفتاحية تساعد البرنامج يفهمك اسرع (مهمه دي ها) 
– لو الرد بتاعه معجبكش اطلب منه يعبر عن نفسه بطريقة تانية من خلال زرار تاني اسمه regenerate response 
– استخدام الكلمات المفتاحية مهم جدا لتحسين جودة الردود من ChatGPT (مهمه والله) 
– لما تخلص من استخدام شات جي بي تي، لازم تراجع النص اللي جالك وتتأكد من صحته ومناسبته عشان ساعات بيهيس. 
و أخيرا ChatGPT هو أداه هتساعدك في شغلك مش هتشيل عنك شغلك. 
يا تري ف حد استخدمه قبل كدا ولا لسه هتجربوه؟
شاهد أيضا:
