لو انت بتستخدم كاميرا اللابتوب بتاعك في الفيديو كول او الاجتماعات فالبوست ده مهم ليك جدا عشان في البوست ده هنتكلم عن ازاي تحسن جوده الفيديو بتاعت كاميرا جهازك.

فيه طرق كتير عشان تحسن جودة الصورة من كاميرا اللابتوب بتاعك, ودي بعض النصائح اللي ممكن تساعدك عشان تاخد أفضل جودة فيديو من كاميرا اللاب توب.

1. حدث برنامج التصوير الخاص بيك للإصدار الأخير

ممكن تكون غريبه شويه بس في اجهزه لابتوب بتقدر جوده كاميراتها تزيد مع تغير طريقه المعالجه اللي بتم عليها فأتأكد دايماً ان برنامج التصوير بتاعك متحدث لأحدث اصدار.

2. ضبط ظروف الإضاءة

اتأكد من أن مصدر الضوء قدامك مش وراك، لأن ده ممكن يخلي وشك مش ظاهر كويس.

واعرف دايما إن التصوير يعني اضاءه

3. تخفيف الضوء

استخدم مصدر ضوء فيه لمبة بيضاء ناعمة أو موزعً (سوفت بوكس) لتخفيف الضوء وتقليل الظلال الحاده(harsh light).

4. ضبط إعدادات فيديو كاميرا اللاب توب

جرب تغير من إعدادات السطوع والتباين وغيرها من الإعدادات عشان توصل لأعلى جوده (بعد ما تثبت ظروف الاضاءه اللي حواليك.

5. استخدام برامج كاميرات ويب كويس لأنها بتفرق جداً جداً في الimage processing وهتخليك تحصل على جوده عاليه قبل ما تعدل اي حاجه حتى

بس كدا جرب الطرق وقولنا فرقت معاك ولا لا؟