من حوالي سنتين تقريبا شركه AMD اطلقت تقنيه ثوريه اسمها 3D Cache اللي حسنت فيها أداء النواه الواحده بشكل كبير و قدرت تتغلب على انتل في اقوى نقاط قوتها
و النهاردة AMD بتثبت هيمنتها على العرش ده بأطلاقها للتقنيه دي ولكن في اجهزه اللابتوب في معالج اسمه AMD ryzen 9 7945HX 
فتعالو نتكلم شويه عنه..
المعالج AMD Ryzen 9 7945HX هو معالج لابتوب من سلسلة Dragon Range بيجي ب 16 نواة مبنيه على معماريه ال Zen 4 وتدعم تقنيه الhyper threading (32 thread). و بيبدأ تردد النواه من 2.5 جيجاهرتز كتردد الBase لحد 5.4 جيجاهرتز في الboost و دي سرعات رهيبه معالج لابتوب و لكن مش ده الجديد
الجديد بقى ان الـ AMD Ryzen™ 9 7945HX3D هو أول معالج في العالم لأجهزه الابتوب يحتوي على ذاكرة تخزين L3 بتقنيه ال3D cache
، و اللي بيجي بذاكرة كاش بحجم 144 ميجا! و اللي يخليه أسرع معالج للألعاب المحمول في العالم بفضل طبعا تقليل التأخير بين المعالج و الذاكره، وزيادة الاستجابة الرهيبه و ده اللي بيخليك تتوقع اداء قوى جداً منه.
المعالج بيجي بسحب طاقه(TDP) 55 وات و AMD Configurable TDP (cTDP) من 55-75 وات و ده بيعتمد على الشركه و المستخدم ولكن خلي بالك لان استهلاك طاقه اعلى معناه حراره اعلى
و ده ممكن يخلي الجهاز يستخن و متقدرش تستفيد بالوات الزياده
والمعالج بيجي بدعم ذاكرة DDR5 مع dual channel مع سرعات توصل ل 2x1R DDR5-5200 أو 2x2R DDR5-5200 كسرعات اوليه
. و برضو المعالج بيجي بكارت شاشه داخلي بموديل AMD Radeon™ 610M واللي بيجي ب٢ كور وتردد 2200 ميجا فهيكون ممتاز في الحاجات البسيطه زي التصفح مثلا
فأيه رأيك في المعالج ده و هل شايف ان التكنولوجيا دي ممكن تنتشر في المستقبل ؟
شاهد أيضا:
