كلمنا علي رقمنا 01066968707 هنساعدك

الشاشة هيا عنصر من أهم عناصر اللابتوب اللي لازم تخلي بالك منها قبل ما تشتري أي لابتوب.

اختيارك ليها هيختلف لو انت صانع محتوي أو ديزاينر أو مبرمج أو حتي جيمر…

كوباية القهوة الجميلة ويلا بينا نعرف ازاي نختارها!

6 حاجات ع أساسها بتختار الشاشة المناسبة ليك.

✅️ الوضوح
دي بتعبر عن دقة الصورة اللي بتظهر على الشاشة، كل ما الوضوح كان أعلى، كل ما الصورة هتكون أحلى وأوضح.

الوضوح بيتقاس بالبكسل، وده عبارة عن نقط صغيرة بتكون الصورة، فيه دقة وضوح زي HD و FHD و QHD و 4K (أقلهم الHD و اعلاهم هي ال4K).

لو انت بتبرمج أو بتعمل فيديوهات أو حاجات زي كده، يبقى لازم تجيب شاشة وضوحها عالي عشان تشوف كل التفاصيل في شغلك. 🙏

لو انت جيمر، يبقى كمان لازم تجيب شاشة وضوحها عالي عشان تستمتع بالألعاب بجودة أحسن وتشوف الأعداء اللي على مسافات بعيده (مهمه لو بتلعب العاب تنافسيه زي فالورانت) ويفضل دايما تكون فوق الFHD طول ما حجم شاشتك فوق لل13 بوصة.

✅️ الحجم
ده بيعبر عن مساحة الشاشة (بيتقاس قطريا) والحجم بيتقاس بالبوصة، وده يساوي قطر الشاشة من زاويه لزاويه.

الحجم ده بيختلف حسب احتياجاتك، لو انت عايز شاشة كبيرة تملا رؤيتك، يبقى تجيب لابتوب شاشته حجمها 17 بوصة أما لو انت عايز شاشة صغيرة ولابتوب حجمه صغيره ككل يبقى تجيب شاشة حجمها 13 او 14 بوصة، لو انت عايز شاشة متوسطة تجمع بين الاتنين، يبقى خليك في ال15.6 بوصة.

✅️ زمن الاستجابه🏃‍♂️
ده بيعبر عن سرعة الشاشة في تغيير الألوان، وبيدل على نعومة وسرعة حركة الصور على الشاشة.

زمن الاستجابة بيتقاس بالميلِّى ثانية، وكل ما كان أقل، كل ما كان أحسن.

لو انت جيمر، يبقى لازم تجيب شاشة زمن استجابتها قليل عشان تخفف من التأخير أو التقطع في الألعاب وتقدر تلف الماوس بسرعه وفي نفس الوقت تكون شايف الصورة واضحه والأحسن تكون أقل من أو تساوي 5ms. ❤️

اما لو انت بتبرمج أو بتعمل فيديوهات، يبقى زمن الاستجابه مش مهم أوي ليك. بس يبقى أحسن يكون أقل من 10 ميلِّى ثانية. 👌

✅️ معدل التحديث (Refresh Rate)
دا بيعبر عن عدد الصور اللي بتظهر على الشاشة في الثانية وبيتقاس بالهيرتز، وكل ما كان أعلى، كل ما كان أحسن.

لو انت جيمر، يبقى لازم تجيب شاشة معدل تحديثها عالي عشان تستفيد بتجربة لعب سلسه وسريعه وخليك فوق ال120HZ.

أما لو انت بتبرمج أو بتعمل فيديوهات أو حاجات زي كده، يبقى معدل التحديث مش مهم جدًأ لك، بس يبقى أحسن يكون 60Hz أو أكثر. 😄

✅️ نوع الشاشة
ودا بيعبر عن التقنية اللي بتستخدمها الشاشة لتظهير الصور. فيه 3 أنواع رئيسية من الشاشات.
(LCD ،LED ،OLED)

– النوع الأول LCD وده اختصار لـ Liquid Crystal Display
وده بيستخدم كريستالات سائلة لتغير شدة و لون الضوء اللي بيمر من خلالها.

– النوع التاني LED هو اختصار لـ Light Emitting Diode
وده بيستخدم لمبات LED صغيره جدا لإنتاج الضوء على طول.

– النوع التالت OLED اختصار لـ Organic Light Emitting Diode
وده بيستخدم مواد عضوية لإنتاج الصوره. كل نوع من الأنواع دي له سلبيات وايجابيات.

ال LCD هو الأرخص والأكثر شيوعًأ، بس هو بيعاني من زوايا رؤية ضيقة وألوان باهتة و لكن دلوقتي التقنيه اتحدثت جدا جدا و بقت تقارن دقه الوانها بالOLED و احسن تقنيه فيها هي الIPS تليها الVA و تليهم الTN و لكن الIPS LCD هو المنتشر حاليا.

ال LED ده اغلى شوية، بس هو بيدي أحسن جودة صورة وأقل استهلاك للكهرباء. 😁

اما الOLED ده الأغلى، بس هو بيدي أحسن جودة صورة وأحسن تباين وأحسن زوايا رؤية ولكن عيبه الوحيد هو الBurn و طدي بتحصل لما الصوره اللي على الشاشة متتغيرش لوقت كبير فبتلاقي جزء من الشاشه ظاهر عليه صوره بهتانه للصوره اللي كانت ثابته عليه. 🤦‍♂️

فلو انت بتبرمج أو بتعمل فيديوهات أو حاجات زي كده، يبقى من المستحسن تجيب شاشة IPS LCD أو OLED عشان تجيب أحسن جودة صورة وأفضل أداء وأريح للعين.

اما لو انت جيمر، يبقى من المستحسن كمان تجيب شاشة IPS او OLED عشان تجيب أحسن جودة صورة وأفضل سرعة استجابه. ✌️

✅️ دقه الالوان
دي بتدل على ان الشاشة قادرة تعرض الألوان بشكل دقيق و واقعي بنسبه اد ايه، 🤔 يعني مش مشوهة أو باهتة أو مبالغ فيها (saturated).

عشان تعرف دقة الألوان بتاعة الشاشة، لازم تبص على حاجة اسمها تدرج الألوان Color Gamut، ده بيقولك على نسبة الألوان اللي الشاشة بتقدر تعرضها من الألوان كلها. كل ما النسبة دي كبيرة، كل ما الشاشة قادرة تعرض أكتر من الألوان وتكون أقرب للحقيقة.🙏

فيه 4 معايير بتستخدم لقياس تدرج الألوان، وهم sRGB, Adobe RGB, DCI-P3 و NTSC. كل معيار بيستخدم طريقة مختلفة لحساب نسبة الألوان، وممكن تلاقي شاشات بتدعم معيار واحد أو أكتر من معيار.

عمومًأ، كل ما المعيار يكون جديد، كل ما هو أحسن وأدق في قياس الألوان. يعني مثلاً، NTSC هو المعيار الأحدث والأفضل من بين الأربعة، وبيغطي حوالي 72% من تدرج الألوان كلها، بينما sRGB هو المعيار الأقدم والأضعف من بينهم، وبيغطي حوالي 35% من تدرج الألوان كلها. 😁

فبالتالي، لو انت صانع محتوى وبتحتاج شاشة بدقة ألوان عالية، يبقى لازم تختار شاشة بتدعم معيار NTSC أو DCI-P3 على الأقل.

دول هما المعايير المستخدمة في صناعة السينما والفيديوهات، 👨‍💻 وبيضمنولك إنك تشوف الصور زي ما هي في الحقيقة، لكن لو انت مصور أو مصمم جرافيك، يبقى لازم تختار شاشة بتدعم معيار Adobe RGB على الأقل و بنسبه عالية. 👌 لأن ده المعيار المستخدم في صناعة التصوير والطباعة، وبيضمنلك إنك تشوف الصور زي ما هتطبع في الآخر.

طب ازاي تلاقي شاشات بتدعم المعايير دي؟ 🤔

سهل جدًأ، كل اللي عليك تروح على موقع شركه اللابتوب اللي بتفكر تجيبه و تشوف منه النسب، هتلاقي فيها حاجة اسمها Color Gamut وجنبها نسبة بالمئة دي هي النسبة اللي بنقولك عليها، اللي بتقولك كام في المئة من تدرج الألوان الشاشة بتعرضها.

كمان هتلاقي جنبها اسم المعايير اللي بتستخدمه الشاشة، زي NTSC أو DCI-P3 أو Adobe RGB أو sRGB. اختار الشاشة اللي بتدعم المعيار اللي انت محتاجه، واللي نسبته أعلى من 90% adobe او 100% او اعلى sRGB لو انت صانع محتوى.

الخلاصه بقى 😁
لو انت جيمر روح للشاشه اللي معدل استجابتها عالي ومعدل التحديث بتاعها عالي ↗️ اما لو انت صانع محتوى اهتم بالدقه و حجم الشاشه ودقه الالوان 👌 اما لو انت مبرمج فأي حاجه هتأدي الغرض والأحسن تجيب نضاره تحمي عينك من الأشعه 😁

شاهد أيضا:

اترك تعليقاً