شركة AMD تعلن عن طريقة جديدة لتسمية معالجاتها لأجهزه اللابتوب فتعالو نشوفها سوا ونحدد الفروقات بين الأجيال الجديدة للمعالجات.
Ryzen 5 7640 U
الاسم بيتكون من 3️⃣ اجزاء
📌 أول جزء من التسميه بيحدد فئه المعالج (ryzen 3 – ryzen 5- ryzen 7- ryzen 9)
📌 تاني جزء بيتكون من ٤ ارقام فتعالو نبدأ من الشمال لليمين و نشرح كل رقم
- أول رقم من ناحية الشمال (٧) بيوضح رقم السنه اللي تم اطلاق فيها المعالج يعني رقم ٧ في حالتنا دي معناها انه تم الاطلاق في ٢٠٢٣
- تاني رقم (٦) بيوضح فئه المعالج زي الجزء الاول من التسمية
امال ايه الفرق؟
الفرق هنا ان نفس الفئه (مثلا رايزن ٥) بيكون ليها رقمين اللي هم ٥ او ٦
- تالت رقم (٤) بيوضح نوع المعماريه و هنا معناها zen 4 اللي AMD أطلقتها السنه دي
آخر رقم (٠) ده للميزات الاضافيه زي مثلا عدد خطوط الPCI-E او مثلا او بيدعم USB-4 و هكذا و لازم ترجع للموقع عشان تعرف بالظبط
📌 اخر جزء من التسميه بقى (U) و هي الحروف واللي بتحدد استهلاك الطاقة.
- أول مستوى وهو ال U وده معناها بيستهلك ١٥ل٢٨ وات وده للأجهزه الخفيفة.
- تاني مستوى ال HS وده معناه انه بيستهلك ٣٥ وات وده للاجهزه المتوسطه الاداء
- تالت مستوى الHX وده معناه انه بيستهلك ٥٥ وات او اكثر وده لوحوش الجيمينج و الشغل التقيل
لو استفدت من البوست اعمل شير للبوست خلي غيرك يستفيد