شحن مجاني لأي أوردر فوق 799 جنية !

شاشة متنقله جديدة من شركة اسوس !

شركه ASUS تطلق موديل جديد من شاشاتها المتنقله بحجم ١٤ و ١٥.٦ و ١٧ بوصه فتعالو نعرف أهم المزايا والعيوب والشاشه دي لمين.. يلا بينا؟

هنتكلم عن موديل الشاشه لحجم ال ١٤ بوصه هو (MB14AHD) تحت اسم Asus zenscreen ink
⬅️مميزات الشاشة:
📌 بتيجي بدقه ١٠٨٠p و بأبعاد ١٦:٩
📌 تقنية الIPS مع WLED و ده اللي بيديها سطوح تقريبا ٢٠٠ nits و معدل تباين ٨٠٠:١
📌 تردد الشاشه ٦٠ هيرتز و معدل استجابه ٥ ms، وبدقة ألوان ٨ بت وده بيديها القدرة انها تعرض حوالي ١٦ مليون لون و الشاشه محميه بطبقه Glossy
📌 الشاشه بتيجي بسماعات استيريو ومنفذ mini-HDMI و USB-C يدعم الDP-1.2 و منفذ 3.5 mm للسماعات
📌 بتدعم اللمس و القلم
📌 بتتميز بجسم متين و بمسند من المعدن مدمج في ضهر الشاشه وده بيسهل عملية تثبيت الشاشه على الاسطح.

⬅️ العيوب بقى
📌 الشاشة ألوانها متوسطه DCI-P3 47% و الSRGB 60.3%
📌 زوايا الرؤيه ضيقه بيخليك محتاج تبص للشاشه من اتجاه عمودي
📌 لقلم بيحتاج بطارية AAAA (ايوه طلع في نوع كده )
📌 السعر مبالغ فيه لأنها بتيجي بسعر ٣٦٩ دولار

كمجمل بقى الشاشة دي لمين؟
الشاشة دي لشخص محتاج شاشه متنقله بتدعم القلم واللمس، أو طالب بيحب يكتب نوتس على الكمبيوتر بتاعه وبيفضل استخدام القلم

انما غير كده من رأيي تروح لشاشة أرخص زي الInnoCN 13K1F اللي هتديلك ألوان أفضل و تباين أحسن وبسعر ١٨٠ دولار تقريباً

ايه رأيك في الشاشه دي وهل شايف ان التسعير ده كويس ولا لا؟ اكتبلنا رأيك ف الكومنتات

شاهد أيضا:

اترك تعليقاً