لو عندك استفسار تواصل معنا 01066968707, 01008370149

شركه Intel تعلن عن الجيل ال١٣ من معالجاتها تحت اسم #Raptor_lake

شركه Intel الرائده في صناعه المعالجات بمعماريه x86 تعلن عن الجيل ال١٣ من معالجاتها تحت اسم #Raptor_lake

فتعالو كده نشرحلكم التصميم بتاع المعالجات دي شغال ازاي؟

أولاً كده الجيل الجديد بيكمل طريقة تصميم Big little اللي جه بيها الجيل ال١٢ و اللي بيعتمد على نوعين من الانويه..

📌 النوع الاول P-core وهو المسئول عن العمليات اللي بتطلب قوه في المعالجه زي الجيمينج و الP هنا اختصار لكلمه performance

📌 النوع التاني E-core والنوع ده مسئول عن المهام الخفيفه زي تصفح الانترنت و الE هنا اختصار لكلمه efficiency لانها بتستهلك طاقه اقل من النوع الاول.

والاتنين بيشتغلوا سوا في المهام اللي بتحتاج تعدد الانويه زي الرندر كده

ميزه التصميم ده ايه بقى؟
انه بيدي المعالج قوه في المهام اللي بتحتاج نواه واحدة، وفي نفس الوقت لما يحتاج يعمل مهمه بسيطه مش هيستهلك طاقه عاليه لانه بيستخدم نواه ضعيفه.

فعندنا مثلا معالج core i5 13600k بيجي ب 6 انويه Pcore و 8 من Ecore و ده ضعف عدد الEcore في الجيل اللي فات و ب٢٠ مسار وبسعر ٣١٩ دولار و استهلاك طاقه ١٢٥ وات!
رقم كبير ده غير ان في الحقيقه بتبقى اعلى كمان (الشركه قالت ١٨١ وات)
فجهز فلوسك عشان تجيب مبرد كويس

يعني كده الفئه المتوسطه من انتل بتيجي ب١٤ نواه انت متخيل!

و انتل core i7 13700k بيجي ب٨ انويه Pcore و ٨ انويه Ecore و بيجي ب٢٤ مسار و اللي شايف انه افضل معالج في الجيل الجديد من رأيي و بسعر ٤٠٩ دولار، وبأستهلاك طاقه ١٢٥ وات و بيوصل ل٢٥٣ وات ده هيبقى فرن

وده هيكون حرفيا نجم الرندر و سعره كويس كمان

نخش على الكينج بقى core i9 13900k
بيجي ب٨ انويه Pcore و ١٦ Ecore و ٣٢ ثريد و بسعر ٥٨٩ دولار و ده حرفيا قنبله اداء

الفكره ان الشركه كاتبه ان اخره ٢٥٣ وات زي الi7 ولسه من كام يوم كان في تسريبات انه وصل لل6 جيجا

الجيل الجديد كله هيدعم رامات من النوع DDR5 و كمان الDDR4 واللي بيديله صلاحيه منافسه قدام AMD اللي الجيل الجديد منها DDR5 بس و كمان بيدعم ال PCIe gen 5

وكمان النسخ الK هتيجي بكارت شاشه داخلي Intel UHD 770 اللي هيكون مناسب لو شغلك فوتوشوف او العاب خفيفه

و الجدول تحت مكتوب فيه الترددات اللي يقدر يوصلها كل معالج..

ايه رأيك في الجيل الجديد وهل شايف انه يقدر ينافس الجيل الجديد من AMD؟

شاهد أيضا:

اترك تعليقاً