ليه تشتري لابتوب ريزير بليد ؟

كان دايما في سؤال بيتسألنا هو لابتوبات ابل بيساويها ايه في لابتوبات الويندوز؟
وكان دايماً ردنا بيكون لابتوبات ريزر

يعني مثلا لو شوفنا ايه اللي بيميز أجهزه ابل!
خامات تصنيع، كيبورد ممتازه، شاشه مبهره، شكل والأهم من كل ده انه عملي
ودول بالظبط اللي هتلاقيهم في لابتوب النهاردة

لان النهاردة هنتكلم عن
Razer blade 15 advanced
جهاز كده اول ما تلمسه تعرف اد ايه هو جهاز بريميوم، بداية من الجسم الألومنيوم المعدن اللي مصنوع بتقنيه الCNC لحد إحساس الزراير اللي Full RGB واللي بتقدر تتحكم فيهم من Razer synapse واللي يعتبر من أقوي برامج التحكم في الRGB، وحتي كمان التاتش باد الممتازه المصنوعة من الزجاج اللي معروفه بيها ريزر

لا وكمان دول مهتمين بالتفاصيل بتاعت الجهاز لدرجه انه الUSB بتاع الجهاز كله باللون الاخضر المميز بتاع ريزر وحتى لوجو الجهاز اللي بينور لما تكون بتستخدمه

حتى مفصلة الشاشه اللي بتتفتح بأيد واحده وفي نفس الوقت متينه كل دول بيثبتولك اد ايه الجهاز بريميوم

📌 نروح بقى لمواصفات الجهاز..
الجهاز بيجي بمعالج من انتل core i7-12800H ب14 نواه و تردد لحد 4.8GHz
و بيجي ب32 جيجا رام DDR5-4800MHz و تقدر تزودها لحد 64 جيجا!
و كارت الشاشة من نفيديا RTX 3080TI اللي بيجي ب16 جيجا واستهلاك طاقه لحد 100 وات
وتبريد الجهاز ده ممتاز جداً لانه بيستخدم تقنيه ال Vapour chamber اللي فكرتها بالظبط نفس فكره الانابيب الحراريه و لكن تعتبر انبوبه عملاقه بتقدر تشتت الحراره عن المعالج وكارت الشاشه بطريقة فعاله أفضل من الطريقه التقليديه

نروح للشاشه بقى ولو انت ديزاينر أو جيمر فالجزء ده ليك.

الشاشه بتيجي بدقه QHD بتردد ٢٤٠ هيرتز وبمعدل استجابه ٢.٥ مللي ثانيه وبتيجي ب١٠٠% DCI-p3 وكل شاشه بيتم معايرتها لوحدها قبل ما تخرج من المصنع فأتأكد إن الألوان مظبوطه بإحتراف

الجهاز بيجي بمدخل لكروت الميموري ب UHS-II و 5 منافذ USB تلاته منهم الحجم الكامل و 2 تايب سي وواحد منهم بيدعم ال thunderbolt 4

و بيجي بمنفذ HDMI و 3.5 مللي الخاص بالسماعات و طبعا منفذ الشاحن واللي بيجي بقدر ٢٣٠ وات مع بطاريه بحجم ٨٠WHr وطبعا wifi-6E مع بلوتوث 5.2

حقيقي جهاز محترم جداً