لشراء أجهزة اللابتوب تواصل معنا أولا من خلال الشات

مراجعة شاملة هيليوس 300 – اللابتوب الأكثر مبيعا في 2019

Acer Helios 300

في الكام سنة الأخيرة. كان ومازال الايسر هيليوس 300 من أفضل وأقوي الأجهزة. لأنه بيقدم أداء قوي ومميزات مناسبة بسعر لا يقبل المنافسة. ولكن الإصدار القديم من الجهاز كان التحديث عليه ضرورة ملحة علي الشركة. فاطلقوا جهاز هيليوس 300 2019 وهو موضوعنا النهارده.

الـacer Helios 300 2019 لاب توب جيمينج من الدرجة الأولي من ناحية :
– السعر
– المواصفات
– الشكل

سعره الأساسي أول ما نزل 1200 دولار ولو حبيبنا نقارن بينه وبين المتاح من اللابات اللي في نفس المواصفات هو الأقل والأفضل سعرا.
أما الشكل الخارجي للجهاز فمصنوع كله من البلاستيك ماعدا ظهر الشاشة من الألومونيوم مع وجود شعار predator المضيء اللي بيعطي شكل مميز للجهاز. والكيبورد مضيئة باللون الأزرق فقط والـTouchpad مصنوعة من البلاستيك. الملاحظ ان الشركة لم تعتمد نظام الـ RGB في التصميم الخاص بالجهاز على عكس ترند المرحلة الحالية. وبعيد عن الشكل النسبي اللي بيعتمد علي الذوق الشخصي و بيختلف من واحد للتاني… نخش في المضمون!

اللاب جاي بشاشة 15.6 بوصة من نوع IPS LCD بدقة عرض FHD ومعدل refresh rate بـ 144 هيرتز عشان كده قولنا ان المواصفات ديه موجهة للجيمينج بشكل أساسي.

لكن مش بالضرورة تكون موجهة للألعاب بشكل أساسي لان الشاشة من نوع IPS وهي panel معمولة عشان تعطي للمستخدم مدي عرض كبير جدا من الألوان وديه ممكن تخدم أي شخص شغله بيعتمد علي الألوان زي الجرافيكس ديزاينر علي برامج photoshop مثلا او المونتير علي برامج زي premaire

مواصفات هيليوس 300:

– بروسيسور i7 من الجيل التاسع سداسي النواة ومع التربو بيوصل لتردد 4.5 جيجا هيرتز. طبعا غير داعم لكسر السرعة.
– كارت شاشة gtx 1660ti من شركة NVIDIA وبذاكرة سعة 6 جيجا وأحدث أنواع الذاكرة من NVIDIA وهي GDDR6
– رامات 16 جيجا من نوع DDR4 وبتردد 2666 ميجا هيرتز. وممكن زيادة الرمات لـ32 جيجا.
– مساحة تخزين من نوع ssd m.2 بسعة 256 جيجا. والاهم من كده ان الجهاز في اتنين منفذ m.2 . وكمان في مكان لاضافة هارد hdd حجم 2.5 بوصة. وجاي مع اللاب القطع الخاصة بالتركيب. ده غير ان الوصول للرامات او الهارد لو حبيت تغيرهم مفيش أسهل منه بسبب التصميم البسيط. والأهم من كده ان أي إضافات او تعديلات لا تلغي الضمان.

وديه مواصفات قوية مش بس للألعاب ولكن لو هتستخدم برامج من نوعية Autocad او sony vegas زي ما وضحنا قبل كده.

قدرة البطارية وكفاءتها:

وبما اننا بنتكلم عن مواصفات وامكانيات عالية يبقا لازم نتكلم عن البطارية. البطارية تأتي بقدرة 58 وات وتتكون من 4 خلايا. وقدرة البطارية تعتبر قليلة مقارنة بمواصفات وامكانيات الجهاز بحيث ممكن تقعد من 3 الي 5 ساعات على أقصى تقدير من الاستخدام العادي. وطبعا لو كملت معاك ساعة واحدة اثناء اللعب ده يعتبر انجاز. ولكن طبعا مفيش حد هيلعب على جهاز بالإمكانيات دية من غير ما يستخدم الشاحن.

ومن أقوى الإضافات اللي بتقدمها شركة acer في اللاب برنامج predatorsense واللي عن طريقه تقدر تتحكم في اللاب بالكامل من كسر سرعة لكارت الشاشة وعرض استهلاك البروسيسور وكارت الشاشة ودرجة الحرارة لكل واحد منهم وتقدر كمان تتحكم في سرعة دوران المراوح ومزايا تانية كتير.

تعالوا بقا نتكلم عن أهم نقطة وهي التبريد وهنتكلم في الأول عن الإصدار القديم وهو الهيليوس 300 2018 ويعتبر واحد من أكتر الأجهزة اللي كان عليها كلام بسبب مشاكل التبريد والحرارة المرتفعة. وده بسبب تصميم الجهاز وسوء استغلال المساحة الداخلية لان دوائر التبريد الخاصة بالبروسيسور وكارت الشاشة كانوا مركزين في طرف واحد من الجهاز.

انما هيليوس 300 2019 فيعتبر قوي جدا في التبريد والشركة فعلا حسنت تصميم وتوزيع دوائر التبريد الموجودة في الجهاز بحيث ان كل دائرة تبريد موجودة على طرف من أطراف الجهاز. يعني اطمن تماما من ناحية التبريد.
من الاخر الجهاز يعتبر أفضل قيمة مقابل الأداء. وفعلا الجهاز يستحق كل جنيه يدفع فيه.

لو اللابتوب معاك قولنا رأيك الشخصي فيه , واعمل شير عشان غيرك يستفيد.

شاهد أيضا:

اترك تعليقاً